Shikwa Ban Kar Fughan Se UThta Hai
shikwa ban kar fughan se uThta hai
shoala-e-gham zaban se uThta hai
phir jala aashiyan koi shayad
phir dhuan gulsitan se uThta hai
TuT jata hai silsila lai ka
jab koi darmiyan se uThta hai
Thahre pani mein kuchh nahin hota
shor aab-e-rawan se uThta hai
sar mein sauda-e-bandagi hai 'asar'
kaun is aastan se uThta hai
Mahfooz Asar 
(419) Peoples Rate This