Chashm-e-mushtaq Ne Ye KHwab Ajab Dekhe Hain
chashm-e-mushtaq ne ye KHwab ajab dekhe hain
dil ke aaine mein sau aks hain sab tere hain
zindagi se bhi nibahen tujhe apna bhi kahen
is kashakash mein shab o roz guzar jate hain
KHana-e-dil mein tha kya kya na ummidon ka hujum
KHana viran hai to raazi-ba-raza baiThe hain
daulat-e-gham bhi KHas-o-KHak-e-zamana mein gai
tum gae ho to mah-o-sal kahan Thahre hain
abhi kuchh der na Dub ai mah-e-taban-e-firaq
abhi kuchh KHwab bhi ji bhar ke kahan dekhe hain
Mahmood Ayaz 
(377) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544