Sahar Hone Tak

larazte sayon se mubham nuqush ubharte hain

ek an-kahi si kahani, ek an-suni si baat

tawil raat ki KHamoshiyon mein Dhalti hai

fasurda lamhe KHalaon mein rang bharte hain

sadaen zehn ki pinhaiyon mein gunjti hain

KHizan ke sae jhalakte hain teri aankhon mein

teri nigahon mein rafta bahaaron ka gham hai

hayat KHwab-gahon mein panah DhunDti hai

fasurda lamhe KHalaon mein rang bharte hain

ye gardish-e-mah-o-sal aazma chuki hai jinhen

ye gardish-e-mah-o-sal aazma rahi hai hamein

magar ye soch ki anjam-e-kar kya hoga

dawam tera muqaddar hai aur na mera nasib

dawam kis ko mila hai jo hum ko mil jata?

ye chand lamha agar jawedan na ho jate

main sochta hun ki apna nishan kya hota

kahan pe TuTta jabr-e-hayat ka afsun

kahan pahunch ke KHayalon ko aasra milta?

fasurda lamho, abhi aur be-karan ho jao

fasurda lamho, aur be-karan ho jao

(390) Peoples Rate This

Your Thoughts and Comments

Sahar Hone Tak In English By Famous Poet Mahmood Ayaz. Sahar Hone Tak is written by Mahmood Ayaz. Read famous Poem Sahar Hone Tak for youth and Student by Mahmood Ayaz. Free Download Sahar Hone Tak in PDF.