Targhib

chilmanon ke us taraf jagmagati zindagi

samne aa kar naqab-e-ruKH ko sarkati hui

mujh se hans kar kah rahi hai mera daman tham le

Dubte tare numud-e-subh se sahme hue

malgaji dhundlahaTon mein jhilmila kar kho gae

jagti aankhon mein ek guzri hui duniya liye

is taraf main hun mere mazi ki baDhti dhund hai

dhundle dhundle naqsh la-hasil tamannaon ki rakh

raushni ke daere se dur yaadon ka KHumar

ek taraf jalti fasilon se dhuan uThta hua

ek taraf aasudgi-e-arzu ke narm KHwab

KHam-ba-KHam rahen safar ki gard mein khoi hui

jalti aankhon mein sunahre KHwab-zaron ke sarab

roz-o-shab ke jalte-bujhte daeron ko toD kar

aarzu ki wusaten sahra-ba-sahra be-kanar

na-tarashida chaTanen rasta roke hue

ek sada-e-ba-gasht apni nawaon ka jawab

ashk-ha-e-subh-gahi se sahar khilti hui

raat ki tarikiyan dil ke lahu se lala-zar

ek soz-e-arzu anfas mein rachta hua

ek mubham dard dil ki KHalwaton mein be-qarar

bas yahi subhen yahi shamen yahi be-nam dard

umr bhar ki jidd-o-johd-e-shauq ka hasil rahe

tira-baKHt aankhon mein aise KHwab ke paikar base

jin se munh moDun to har aasaish-e-duniya mile

chilmanon ke is taraf se jagmagati zindagi

samne aa kar naqab-e-ruKH ko sarkati hui

mujh se hans kar kah rahi hai mera daman tham le

(368) Peoples Rate This

Your Thoughts and Comments

Targhib In English By Famous Poet Mahmood Ayaz. Targhib is written by Mahmood Ayaz. Read famous Poem Targhib for youth and Student by Mahmood Ayaz. Free Download Targhib in PDF.