Dil Mein Jab Teri Lagan Raqs Kiya Karti Thi

dil mein jab teri lagan raqs kiya karti thi

meri har sans mein KHushbu si basa karti thi

ab to mahfil se bhi hota nahin kuchh gham ka ilaj

pahle tanhai bhi dukh banT liya karti thi

ab jo raqsa hai kai rang bhare chehron mein

yahi miTTi kabhi bekar uDa karti thi

rang ke jal hi milte hain jidhar jata hun

raushni yun na mujhe tang kiya karti thi

ab mujhe chandni kuchh bhi to nahin kahti hai

kabhi ye tere sandese bhi diya karti thi

kis qadar pyar se ye peD bulate the mujhe

kis tarah chhanw tera zikr kiya karti thi

(590) Peoples Rate This

Your Thoughts and Comments

Dil Mein Jab Teri Lagan Raqs Kiya Karti Thi In English By Famous Poet Mahmood Shaam. Dil Mein Jab Teri Lagan Raqs Kiya Karti Thi is written by Mahmood Shaam. Read famous Poem Dil Mein Jab Teri Lagan Raqs Kiya Karti Thi for youth and Student by Mahmood Shaam. Free Download Dil Mein Jab Teri Lagan Raqs Kiya Karti Thi in PDF.