Rahat-e-nazar Bhi Hai Wo Azab-e-jaan Bhi Hai

rahat-e-nazar bhi hai wo azab-e-jaan bhi hai

us se rabt-e-lazzat bhi aur imtihan bhi hai

fasle miTe bhi hain aur kuchh baDhe bhi hain

ye safar zaruri hai aur raegan bhi hai

umr-bhar ki uljhan de ek pal ka nazzara

tera gham haqiqat bhi aur be-nishan bhi hai

teri miThi baaton mein jhil jhil aankhon mein

aag bhi sulagti hai dard se aman bhi hai

tai karen to hum kaise fasle dil-o-jaan ke

ek ye ana ka pul apne darmiyan bhi hai

lakh main tujhe bhulun lakh tu mujhe bhule

ek rishta-e-benam apne darmiyan bhi hai

ishq-e-dil mein tughyani barf barf honTon par

sar-phiri bhi hai chahat aur be-zaban bhi hai

teri zindagi sargarm meri zindagi uljhan

raqs mein bhi hai KHwahish aur sargiran bhi hai

'sham' jaane kyun hum ne si liya hai honTon ko

warna apne hathon mein waqt ki inan bhi hai

(2016) Peoples Rate This

Your Thoughts and Comments

Rahat-e-nazar Bhi Hai Wo Azab-e-jaan Bhi Hai In English By Famous Poet Mahmood Shaam. Rahat-e-nazar Bhi Hai Wo Azab-e-jaan Bhi Hai is written by Mahmood Shaam. Read famous Poem Rahat-e-nazar Bhi Hai Wo Azab-e-jaan Bhi Hai for youth and Student by Mahmood Shaam. Free Download Rahat-e-nazar Bhi Hai Wo Azab-e-jaan Bhi Hai in PDF.