Kisi Ke Ghar Na Mah O Sal Ke Mausam Mein Rahte Hain
kisi ke ghar na mah o sal ke mausam mein rahte hain
ki hum hijr-o-visal-e-yar ke aalam mein rahte hain
wahi gul-gun qaba-e-yar hai nazzara-e-hairat
usi na-mehrban ke gesu-e-pur-KHam mein rahte hain
wahi pyasi zamin hai halqa-e-zanjir ki surat
wahi ek aasman jis ke tale shabnam mein rahte hain
hamein ye rang-o-bu ki baat ab achchhi nahin lagti
bura kya hai jo hum apni hi chashm-e-nam mein rahte hain
guzar hi jaegi umr-e-rawan aahista aahista
agarche ilm hai hum ek dam-e-be-dam mein rahte hain
Mahtab Haider Naqvi 
(448) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544