Mayus Ho Ke Bazm Se Teri Nikal Ke Hum
mayus ho ke bazm se teri nikal ke hum
shiddat se muntazir hain payam-e-ajal ke hum
tauba to ki thi hum ne kisi ke sujhao par
pi lenge aaj tauba irada badal ke hum
tab shola-e-wafa ki tere raushni hui
jab KHak ho chuke teri furqat mein jal ke hum
masjid mein the to waiz-o-mulla ke bich the
pahunche jo mai-kade mein to saghar mein chhalke hum
phirte hain zaKHm-e-dil liye sahraon mein 'majid'
kya KHwab dekhte the hasin ek mahal ke hum
Majeed Maiman 
(406) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544