Aasman Ki Rifaton Se Tarz-e-yari Sikh Lo
aasman ki rifaton se tarz-e-yari sikh lo
sar uTha kar chalne walo KHaksari sikh lo
pesh-KHema hain tanazzul ka takabbur aur ghurur
martaba chaho to pahle inkisari sikh lo
KHud badal jaega nafrat ki fazaon ka mizaj
pyar ki KHushbu luTao mushkbari sikh lo
chun lo qirtas o qalam ya tegh kar lo intiKHab
koi fan apnao lekin shahkari sikh lo
phir tumhaare panw chhune KHud bulandi aaegi
sab dilon par raj kar ke taj-dari sikh lo
ishq ka maidan aasan to nahin hai mohtaram
ishq karna hi agar hai gham-shiari sikh lo
jis shajar ki chhanw ho 'majid' zamane ke liye
kaise hogi is shajar ki aabiyari sikh lo
Majid Deobandi 
(509) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544