Bhag-mati
pyar se aankh bhar aati hai kanwal khilte hain
jab kabhi lab pe tera nam-e-wafa aata hai
dasht ki raat mein baraat yahin se nikli
rag ki rang ki barsat yahin se nikli
inqilabaat ki har baat yahin se nikli
gungunati hui har raat yahin se nikli
dhan ki ghanghor ghaTaen hain na hun ke baadal
sone chandi ke gali-kuche na hiron ke mahal
aaj bhi jism ke ambar hain bazaron mein
KHwaja-e-shahr hai yusuf ke KHaridaron mein
shahr baqi hai mohabbat ka nishan baqi hai
dilbari baqi hai dil-dari-e-jaan baqi hai
sar-e-fahrist nigaran-e-jahan baqi hai
tu nahin hai teri chashm-e-nigaran baqi hai
Makhdoom Mohiuddin 
(336) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544