Algani
ek hi pal mein uchaT jati hai ye nind meri
ek bijli si chamak jati hai in aankhon mein
yak-ba-yak tez phuwaren jun baras jati hon
aur aangan mein sukhane ke liye sab kapDe
tar-ba-tar ho ke lipaT jate hain ek Dori se
un ko maujud hai ek Dor badan ki manind
thartharaati hui aati hai chali jati hai
par hawa un ko juda kar nahin sakti yaksar
jab talak sukh na jae jo nami un mein hai
rahte rahte teri taswir ubhar aati hai
meri aankhon mein kisi parda-e-simin ki tarah
yak-ba-yak tez phuwaren jon baras jati hain
dur ek algani si hai wo mere pas nahin
Malik Ehsan 
(495) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544