Rah-e-wafa Mein LuTa Gaya Dil
rah-e-wafa mein luTa gaya dil
hai hai mera dil bekas mera dil
roz-e-azal yun paida hua dil
li gham ne karwaT aur ban gaya dil
har dushman-e-jaan ahl-e-wafa hai
ek ba-wafa tum ek ba-wafa dil
dil ji raha hai gham ke sahaare
jab miT gaya gham samjho miTa dil
tum dil mein ho ya taswir-e-hairat
taswir-e-hairat ya hai mera dil
sunsan mahfil viran pahlu
ruKHsat hue tum ruKHsat hua dil
TuTa na aaKHir sadme se 'mani'
shishe se bhi tha nazuk mera dil
Mani Jayasi 
(478) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544