Jine Ki Tayyari ChhoD
jine ki tayyari chhoD
yar mere hushyari chhoD
sidhe apni baat pe aa
ye lahja darbari chhoD
ya duniya ka KHauf haTa
ya phir hum se yari chhoD
chehra gum ho jaega
KHud se ye ayyari chhoD
diwanon se hath mila
ab ye duniya-dari chhoD
lauT ke ghar bhi jaana hai
mansab-e-taKHt-sawari chhoD
apne dil se puchh zara
chal tu baat hamari chhoD
Manish Shukla 
(394) Peoples Rate This