Zabt-e-gham Se Siwa Malal Hua
zabt-e-gham se siwa malal hua
ashk aae to ji bahaal hua
phir se bujhne lagi hai binai
phir teri did ka sawal hua
ek zara chand ke ubharne se
dekh suraj ka rang lal hua
kitne logon se milna-julna tha
KHud se milna bhi ab muhaal hua
hum ne mazi ka har waraq palTa
hum ko har baat par malal hua
hum to Tuk dekhte rahe us ko
raegan lamha-e-visal hua
dard ashaar mein utar aaya
log kahne lage kamal hua
Manish Shukla 
(495) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544