Husn Hai Maghrur Dil Saudai Hai
husn hai maghrur dil saudai hai
ishq aur nafrat mein hatha-pai hai
dhaDkanon mein kar diya paida fasad
har ada mein teri ek balwai hai
hum ne KHud dekhi hai dast-e-ghair mein
teri to taswir bhi harjai hai
wajd aankhon mein hai basi nind ka
wasl ki jab se karam-farmai hai
tum ko dekhe bin guzarna chheD tha
dil pe mat lo dagh-e-dil dukh-dai hai
dil-lagi hai ibtida-e-dilbari
chahaton mein chheD-chhaD achchhai hai
kitni sharmili hai 'mannan' us ki yaad
dard ke parde mein chhap kar aai hai
Mannan Bijnori 
(417) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544