Shab-e-be-mah Bhi Uski Nahin Kali Hogi

shab-e-be-mah bhi us ki nahin kali hogi

jis ne katran bhi tere nur ki pa li hogi

log kahte hain koi tujh sa hasin aur bhi hai

main ye kahta hun ki ye baat KHayali hogi

us ne bhi mujh ko yahi soch ke DhunDa na kabhi

main ne ab tak to nai duniya basa li hogi

jab suna ek andhera sa hai ghar mein mere

dukh se bole meri taswir haTa li hogi

hain pasheman wo moattal tujhe kar ke ai dil

gham na kar phir usi mansab pe bahaali hogi

aaTh das sal mein 'mannan' ye ejaz-e-suKHan

tum ne kuchh umr-e-suKHan apni chhupa li ho hogi