Yun Chaar Din Ki Bahaaron Ke Qarz Utare Gae

yun chaar din ki bahaaron ke qarz utare gae

tumhaare baad ke mausam faqat guzare gae

zara si dur to sailab ke sahaare gae

bhanwar mein uljhe to phir hath panw mare gae

sada ka der talak gunjna bahut bhaya

phir ek nam bayaban mein hum pukare gae

chhupa chhupa ke jo raaton ne KHwab rakkhe the

wo sare din ke ujalon ke hath mare gae

kuchh ek chehre meri chashm-e-tar mein tairte hain

kuchh ek safine abhi tak na par utare gae