Raat Ki Aankh Mein Mere Liye Kuchh KHwab Bhi The
raat ki aankh mein mere liye kuchh KHwab bhi the
ye alag baat ki har KHwab mein girdab bhi the
zindagi banjh si aurat thi ki jis ke dil mein
bund ki pyas bhi thi aankh mein sailab bhi the
zaKHm kyun risne lage ek tere chhu lene se
dukh samundar the magar mauja-e-payab bhi the
chand ki kirnon mein aahaT tere qadmon ki suni
aur phir chand ke Dhal jaane ko betab bhi the
tujh se jo lamha mila lamha-e-mashrut mila
wasl ki saaton mein hijr ke aadab bhi the
azhdaha paniyon ka shahr-e-nawa TuT gaya
matami aankh mein aansu mere be-ab bhi the
kitna aabaad mere sath tha sayon ka hujum
kaise tanhai ke sahra the jo shadab bhi the
Mansoor Ahmad 
(383) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544