Masafat Manzilon Ki Jab Hamare Sar Pe Rakkhi Thi
masafat manzilon ki jab hamare sar pe rakkhi thi
falak kandhon pe rakkha tha zamin Thokar pe rakkhi thi
hamare pyar ki shohrat hui thi yun zamane mein
waraq saDkon pe bikhre the kahani ghar pe rakkhi thi
kiya hai harf-e-haq hum ne ada kuchh is qarine se
nazar qatil pe rakkhi thi zaban KHanjar pe rakkhi thi
tujhe pane ki uljhan mein kuchh aise din bhi guzre hain
badan shabnam se jalta tha qaza bistar pe rakkhi thi
Mansoor Usmani 
(411) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544