Jaras-e-dil Ki Sada Ban Ke Chale
jaras-e-dil ki sada ban ke chale
tu agar rah-numa ban ke chale
mor-e-be-maya ki raftar chalun
tu agar aabla-pa ban ke chale
aarzu hai ki banun main dariya
aur tu mujh pe hawa ban ke chale
aise gulshan mein guzarun koi shab
tu jahan baad-e-saba ban ke chale
main rahun dasht mein ja kar aur tu
chandni-shab mein bala ban ke chale
aql-o-danish tere qadmon pe nisar
tu agar hosh-ruba ban ke chale
Manzoor Arif 
(383) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544