Na Sunti Hai Na Kahna Chahti Hai
na sunti hai na kahna chahti hai
hawa ek raaz rahna chahti hai
na jaane kya samai hai ki ab ki
nadi har samt bahna chahti hai
sulagti rah bhi wahshat ne chun li
safar bhi pa-barahna chahti hai
talluq ki ajab diwangi hai
ab us ke dukh bhi sahna chahti hai
ujale ki duaon ki chamak bhi
charagh-e-shab mein rahna chahti hai
bhanwar mein aandhiyon mein baadban mein
hawa masruf rahna chahti hai
Manzoor Hashmi 
(424) Peoples Rate This