Bala Ki Dhup Thi Sari Faza Dahakti Rahi
bala ki dhup thi sari faza dahakti rahi
magar wafa ki kali shaKH par chaTakti rahi
bichhaDte waqt mein us ko dilasa deta raha
wo be-zaban thi mujhe bebasi se takti rahi
use KHabar thi ki hum ahl-e-dasht pyase hain
jabhi to mauj kinaron se sar paTakti rahi
alam-nasib to ro ro ke so gae aaKHir
magar malul hua raat bhar sisakti rahi
dam-e-judai wo maryam salib ki manind
mere gale se baDi der tak laTakti rahi
main aisi rah pe nikla ki meri KHush-baKHti
tamam umr meri khoj mein bhaTakti rahi
Maqbool Aamir 
(518) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544