Tu Ja Rahi Hai ChhoD Ke Ja Phir Kabhi Sahi
tu ja rahi hai chhoD ke ja phir kabhi sahi
ai bastiyon ki tez hawa phir kabhi sahi
ab aadmi ki jis pe musallat machine hai
ab zar ki justuju hai KHuda phir kabhi sahi
tujh ko Dubo gaya tujhe barbaad kar gaya
ye takiya-e-kalam tera phir kabhi sahi
is waqt ek rabt-e-musalsal hai na-guzir
pabandi-e-quyud-e-ana phir kabhi sahi
main apne iztirar se majbur ho gaya
us ne bigaD ke mujh se kaha phir kabhi sahi
Maratib Akhtar 
(506) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544