Jazb-e-ghairat

wafa ka zauq diya hai teri mohabbat ne

dilon ko fath kiya jazba-e-sharafat ne

teri haya se taqaddus hai aadamiyat ka

kiya hai tujh ko sar-afraaz jazb-e-ghairat ne

chaman mein jis se hai izn-e-shaguft-e-ghuncha-o-gul

gudaz qalb wo baKHsha hai tujh ko qudrat ne

bahut hi kam hain wo shaista-e-nazar jin ko

KHiraj-e-shauq diya zindagi ki azmat ne

har ek be-kas-o-mazlum ki himayat ka

tujhe shuur diya hai KHuda ki rahmat ne

farogh-e-bazm-e-suKHan teri sarparasti se

adab shanas kiya hai teri aqidat ne

shaguftagi dil-e-barbaad ko ata ki hai

tere KHayal tere yaad ki latafat ne

(392) Peoples Rate This

Your Thoughts and Comments

Jazb-e-ghairat In English By Famous Poet Masood Akhtar Jamal. Jazb-e-ghairat is written by Masood Akhtar Jamal. Read famous Poem Jazb-e-ghairat for youth and Student by Masood Akhtar Jamal. Free Download Jazb-e-ghairat in PDF.