Sadr-e-jamhuriya-e-hind

sadr-e-jamhuriya-e-hind

yaqinan aap faKHruddin bhi naz-e-umam bhi hain

ali-ahmad bhi hain aagah aadab-e-haram bhi hain

waqar-e-hosh bhi azmat-faroz-e-ilm-o-danish bhi

girami-qadr bhi zi-tamkanat bhi mohtaram bhi hain

tab-o-tab-e-chaman bhi zauq-e-tamkin-e-bahaaran bhi

jahan-e-shauq ka afsana-e-jah-o-hasham bhi hain

karishma hai KHuda ka aap ke ausaf ke qail

dayar-e-barahman ke dewta bhi hain sanam bhi hain

taqaddus mauj-e-dariya ka latafat aabgine ki

mujassam shaukat-e-dauran sarapa jam-e-jam bhi hain

jalal-e-barq bhi hain zalimon ke waste lekin

gharibon ke liye sarmaya-e-lutf-o-karam bhi hain

jo nisbat aap ko 'ghaalib' se hai us ke talluq se

qadam-bosi ke KHwahan sahib-e-saif-o-qalam bhi hain

(504) Peoples Rate This

Your Thoughts and Comments

Sadr-e-jamhuriya-e-hind In English By Famous Poet Masood Akhtar Jamal. Sadr-e-jamhuriya-e-hind is written by Masood Akhtar Jamal. Read famous Poem Sadr-e-jamhuriya-e-hind for youth and Student by Masood Akhtar Jamal. Free Download Sadr-e-jamhuriya-e-hind in PDF.