Aaj Hai Dahr Mein Kya Ek Nai Aafat Ke Siwa
aaj hai dahr mein kya ek nai aafat ke siwa
bughz-o-nafrat ke siwa ranj-o-musibat ke siwa
is tarah chhaya hua hai nigah-o-dil pe tilism
jaise har chiz haqiqat ho haqiqat ke siwa
apne har jabr ko wo mehr-o-wafa kahte hain
hum bhi kuchh nam na den us ko mohabbat ke siwa
hasti-e-ishq ko ab tak na koi jaan saka
warna hai dahr mein kya aur mohabbat ke siwa
har-nafas ek nae tufan ki yurish hai 'hayat'
kis ko ilzam den is daur mein qismat ke siwa
Masooda Hayat 
(380) Peoples Rate This