Wahi Dasht-e-bala Hai Aur Main Hun
wahi dasht-e-bala hai aur main hun
zamane ki hawa hai aur main hun
tujhe ai ham-safar kaise sambhaalun
pahaDi rasta hai aur main hun
sukut-e-koh hai aur saya-e-dar
sada-e-ma-siwa hai aur main hun
magar shaKHon se patte gir rahe hain
wahi aab-o-hawa hai aur main hun
ye sari barf girne do mujhi par
tapish sab se siwa hai aur main hun
kai din se nasheman KHak-e-dil ka
sar-e-shaKH-e-hawa hai aur main hun
pahaDon par kahin barish hui hai
zamin mahw-e-dua hai aur main hun
mujhe bhi kuchh na kuchh karna paDega
zamana sar-phira hai aur main hun
Mazhar Imam 
(382) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544