Dhup Aai Nahin Makan Mein Kya
dhup aai nahin makan mein kya
abr gahra hai aasman mein kya
aah kyun be-sada hai honTon par
lafz baqi nahin zaban mein kya
ho gaya nilgun badan sara
tir zahrile the kaman mein kya
sare kirdar sath chhoD gae
aa gaya moD dastan mein kya
jhulsa jhulsa hai kyun badan sara
aa gai dhup saeban mein kya
na-shanasa hai chand se kyun dil
sirf tara tha aasman mein kya
roz-o-shab kis ki rah takti ho
'mina' ab tak hai kuchh guman mein kya
Meena Naqvi 
(443) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544