Did Ki Sadd-e-rah Hai Ye Mizha
did ki sadd-e-rah hai ye mizha
KHar-e-pa-e-nigah hai ye mizha
nit taqatur hi us se rahta hai
rag-e-abr-e-siyah hai ye mizha
chashm meri wo bahr hain mawwaj
jis ke lab ki giyah hai ye mizha
aankhen teri wo laDne wali hain
sath jin ke sipah hai ye mizha
har tarah dil mein khub rahi hai tere
KHwah barchhi hai KHwah hai ye mizha
aankhen mal mal chhupate ho tum kyun
dekhna kya gunah hai ye mizha
dil mein kanTa sa kuchh chubhe hai mere
ki 'hasan' kis ki aah hai ye mizha
Meer Hasan 
(409) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544