Dil KHuda Jaane Kis Ke Pas Raha
dil KHuda jaane kis ke pas raha
in dinon ji bahut udas raha
kya maza wasl mein mila us ke
main raha bhi to be-hawas raha
yun khila apna ye gul-e-ummid
ki sada dil ye dagh-e-yas raha
shad hun main ki dekh mera haal
ghair karne se iltimas raha
jab talak ki jiya 'hasan' tab tak
gham mere dil pe be-qayas raha
Meer Hasan 
(322) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544