Mohabbat Mein Teri Jab Mujhko Aalam Ne Malamat Ki
mohabbat mein teri jab mujh ko aalam ne malamat ki
dil-o-jaan ne tab aapas mein mubarak aur salamat ki
qayamat jis ko kahte hain ye ek muddat ka tha misra
ye mere misra-e-mauzun ne us qad ki qayamat ki
kiya qumri ne nala aur khinchi aah bulbul ne
chali kuchh baat jab gulshan mein mere sarw-qamat ki
jab apna kaam tere ishq mein tadbir se guzra
chali aaankhon se meri sail tab ashk-e-nadamat ki
suKHan ka ye buzurgon ki tatabbo bas-ki karta hai
nikalti hai 'hasan' ki baat mein ek bu qadamat ki
Meer Hasan 
(400) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544