Dil Mahw-e-jamal Ho Gaya Hai
dil mahw-e-jamal ho gaya hai
ya sarf-e-KHayal ho gaya hai
ab apna ye haal ho gaya hai
jina bhi muhaal ho gaya hai
har lamha hai aah aah lab par
har sans wabaal ho gaya hai
wo dard jo lamha bhar ruka tha
muzhda ki bahaal ho gaya hai
chahat mein hamara jina marna
aap apni misal ho gaya hai
pahle bhi musibaten kuchh aain
par ab ke kamal ho gaya hai
Meeraji 
(487) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544