Sare Jag Se RuTh Jaana Chahti Hun
sare jag se ruTh jaana chahti hun
han magar tum ko manana chahti hun
ek KHushi gar tu jo mujh ko de sake to
sare gham ko bhul jaana chahti hun
han watan ko chhoDa barso ho chuke hain
ab main lekin lauT aana chahti hun
ibtida tu hi hai meri intiha bhi
main faqat itna batana chahti hun
inT patthar se makan bante hai sab ke
main bharose ka banana chahti hun
bas tera hi pyar mangun zindagi mein
main kahan koi KHazana chahti hun
main ne kab chaha ki mar jaana mujhe hai
ek jine ka bahana chahti hun
Megi Asnani 
(467) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544