Madhosh Kahin Gham Ki Sharabon Mein Milenge
madhosh kahin gham ki sharabon mein milenge
fankar hain hum KHana-KHarabon mein milenge
na-qadri-e-arbab-e-hunar aaj hai lekin
kal ban ke sanad sari kitabon mein milenge
Takra ke pahaDon se palaT aaegi aawaz
KHud mere sawalat jawabon mein milenge
jo log hain derina riwayat ke qatil
tajdid-e-talluq ke azabon mein milenge
nafrat ke bhanwar ne jo Duboya hamein 'mahwar'
ab hum bhi mohabbat ke sarabon mein milenge
Mehwar Noori 
(395) Peoples Rate This