Ji Par Bhi Humne Jabr Kiya IKHtiyar Tak
ji par bhi hum ne jabr kiya iKHtiyar tak
jite rahe aKHir dam-e-intizar tak
kis ko nasib hote hain phir jalsa-ha-e-mai
jita hai kaun dekhiye agli bahaar tak
uf-re sitam ki bahr-e-dua-e-visal-e-ghair
wo panw chal ke aae hain mere mazar tak
tum bhi karoge jabr shab o rose is qadar
hum bhi karenge sabr magar iKHtiyar tak
shaki nahin main naKHwat-e-gul hi ka ai 'wafa'
mujh se chaman mein nok ki lete hain KHar tak
Mela Ram Wafa 
(387) Peoples Rate This