Ab Ke Bhi Sair Bagh Ki Ji Mein Hawas Rahi
ab ke bhi sair bagh ki ji mein hawas rahi
apni jagah bahaar mein kunj-e-qafas rahi
main pa-shikasta ja na saka qafile talak
aati agarche der sada-e-jaras rahi
lutf qaba-e-tang pe gul ka baja hai naz
dekhi nahin hai un ne teri choli chus rahi
din-raat meri aankhon se aansu chale gae
barsat ab ke shahr mein sare baras rahi
KHali shaguftagi se jarahat nahin koi
har zaKHm yan hai jaise kali ho box rahi
diwangi kahan ki gareban se tang hun
gardan meri hai tauq mein goya ki phans rahi
jon subh is chaman mein na hum khul ke hans sake
fursat rahi jo 'mir' bhi so yak-nafas rahi
Mir Taqi Mir 
(428) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544