Dil Dimagh-o-jigar Ye Sab Ek Bar

dil dimagh-o-jigar ye sab ek bar

kaam aae firaq mein ai yar

kyun na ho zoaf ghaalib aaza par

mar gae hain qushun ke sardar

gul-e-pazhmurda ka nahin mamnun

hum asiron ka gosha-e-dastar

mat nikal ghar se hum bhi raazi hain

dekh lenge kabhu sar-e-bazar

sainkaDon harf hain girah dil mein

par kahan paiye lab-e-izhaar

sair kar dasht-e-ishq ka gulshan

ghunche ho ho rahe hain sau sau KHar

roz-e-mahshar hai raat hijran ki

aisi hum zindagi se hain bezar

bahs nala bhi kijiyo bulbul

pahle paida to kar lab-e-guftar

chaak-e-dil par hain chashm sad KHuban

kya karun yak anar-o-sad-bimar

shukr kar dagh-e-dil ka ai ghafil

kis ko dete hain dida-e-bedar

go ghazal ho gai qasida si

aashiqon ka hai tul harf-e-shiar

har sahar lag chali to hai to nasim

ai siyah-mast-naz Tak hushiyar

shaKHsane hazar niklenge

jo gaya us ki zulf ka ek tar

wajib-ul-qatl is qadar to hun

ki mujhe dekh kar kahe hai pukar

ye tu aaya na samne mere

lao meri miyan sipar talwar

aa ziyarat ko qabr aashiq par

ek tarah ka hai yan bhi josh-e-bahaar

nikle hai meri KHak se nargis

yani ab tak hai hasrat-e-didar

'mir'-sahib zamana nazuk hai

donon hathon se thamiye dastar

sahal si zindagi pe kaam ke tin

apne upar na kijiye dushwar

chaar din ka hai majhla ye sab

sab se rakhiye suluk hi na-chaar

koi aisa gunah aur nahin

ye ki kije sitam kisi par yar

wan jahan KHak ke barabar hai

qadar haft-asman zulm-shiar

yahi darKHwast pas dil ki hai

nahin roza namaz kuchh darkar

dar-e-masjid pe halqa-zan ho tum

ki raho baiTh KHana-e-KHummar

ji mein aawe so kijiyo pyare

leak hujo na darpai aazar

hasil-e-do-jahan hai yak harf

ho meri jaan aage tum muKHtar