Dil-o-dimagh Hai Ab Kis Ko Zindagani Ka
dil-o-dimagh hai ab kis ko zindagani ka
jo koi dam hai to afsos hai jawani ka
agarche umr ke das din ye lab rahe KHamosh
suKHan rahega sada meri kam-zabani ka
subuk hai aawe jo mindil rakh namaz ko shaiKH
raha hai kaun sa ab waqt sargirani ka
hazar jaan se qurban be-pari ke hain
KHayal bhi kabhu guzra na par-fishani ka
phire hai khinche hi talwar mujh pe har-dam to
ki said hun main teri dushmani jaani ka
numud kar ke wahin bahr-e-gham mein baiTh gaya
kahe to 'mir' bhi ek bulbula tha pani ka
Mir Taqi Mir 
(476) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544