Har Zi-hayat Ka Hai Sabab Jo Hayat Ka

har zi-hayat ka hai sabab jo hayat ka

nikle hai ji hi us ke liye kaenat ka

bikhri hai zulf us ruKH-e-alam-faroz par

warna banao howe na din aur raat ka

dar-parda wo hi mani muqawwam na hon agar

surat na pakDe kaam falak ke sabaat ka

hain mustahil KHak se ajza-e-nau-KHatan

kya sahal hai zamin se nikalna nabaat ka

mustahlak us ke ishq ke jaanen hain qadar-e-marg

isa-o-KHizr ko hai maza kab wafat ka

ashjar howen KHama-o-ab-e-siyah-behaar

likhna na to bhi ho sake us ki sifat ka

us ke farogh-e-husn se jhumke hai sab mein nur

sham-e-haram ho ya ki diya somnat ka

bizzat hai jahan mein wo maujud har jagah

hai did chashm-e-dil ke khule ain zat ka

har safhe mein hai mahw-e-kalam apna das jagah

mushaf ko khol dekh Tak andaz baat ka

hum muznibon mein sirf karam se hai guftugu

mazkur zikr yan nahin saum-o-salat ka

kya 'mir' tujh ko nama-syahi ka fikr hai

KHatm-e-rusul sa shaKHs hai zamin najat ka