Is Ahd Mein Ilahi Mohabbat Ko Kya Hua
is ahd mein ilahi mohabbat ko kya hua
chhoDa wafa ko un ne murawwat ko kya hua
ummid-war-e-wada-e-didar mar chale
aate hi aate yaro qayamat ko kya hua
kab tak tazallum aah bhala marg ke tain
kuchh pesh aaya waqia rahmat ko kya hua
us ke gae par aise gae dil se ham-nashin
malum bhi hua na ki taqat ko kya hua
baKHshish ne mujh ko abr-e-karam ki kiya KHajil
ai chashm josh-e-ashk-e-nadamat ko kya hua
jata hai yar tegh-ba-kaf ghair ki taraf
ai kushta-e-sitam teri ghairat ko kya hua
thi sab-e-ashiqi ki badayat hi 'mir' par
kya jaaniye ki haal-e-nihayat ko kya hua
Mir Taqi Mir 
(735) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544