Kali Kahte Hain Us Ka Sa Dahan Hai
kali kahte hain us ka sa dahan hai
suna kariye ki ye bhi ek suKHan hai
Tapakte dard hain aansu ki jaga
ilahi chashm ya zaKHm-e-kuhan hai
KHabar le pir-e-kanan ki ki kuchh aaj
nipaT aawara bu-e-pairahan hai
nahin daman mein lala be-sutun ke
koi dil-e-dagh KHun-e-kohkan hai
shahadat-gah hai bagh-e-zamana
ki har gul us mein ek KHunin-kafan hai
karun kya hasrat-e-gul ko wagarna
dil par dagh bhi apna chaman hai
jo de aaram Tak aawargi 'mir'
to sham-e-ghurbat ek subh-e-watan hai
Mir Taqi Mir 
(481) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544