Kuchh Mauj-e-hawa Pechan Ai Mir Nazar Aai
kuchh mauj-e-hawa pechan ai 'mir' nazar aai
shayad ki bahaar aai zanjir nazar aai
dilli ke na the kuche auraq-e-musawwar the
jo shakl nazar aai taswir nazar aai
maghrur bahut the hum aansu ki sarayat par
so subh ke hone ko tasir nazar aai
gul-bar kare haiga asbab-e-safar shayad
ghunche ki tarah bulbul dil-gir nazar aai
us ki to dil-azari be-hech hi thi yaro
kuchh tum ko hamari bhi taqsir nazar aai
Mir Taqi Mir 
(408) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544