Kya Kahun Kaisa Sitam Ghaflat Se Mujh Par Ho Gaya
kya kahun kaisa sitam ghaflat se mujh par ho gaya
qafila jata raha main subh hote sau gaya
be-kasi muddat talak barsa ki apni gor par
jo hamari KHak par se hauke guzra ro gaya
kuchh KHatarnaki tariq-e-ishq mein pinhan nahin
khap gaya wo rah-rau is rah ho kar jo gaya
muddaa jo hai so wo paya nahin jata kahin
ek aalam justuju mein ji ko apne kho gaya
'mir' har-yak mauj mein hai zulf hi ka sa dimagh
jab se wo dariya pe aa kar baal apne dho gaya
Mir Taqi Mir 
(475) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544