Munh Taka Hi Kare Hai Jis Tis Ka
munh taka hi kare hai jis tis ka
hairati hai ye aaina kis ka
sham se kuchh bujha sa rahta hun
dil hua hai charagh muflis ka
the bure mughbachon ke tewar lek
shaiKH mai-KHane se bhala khiska
dagh aankhon se khil rahe hain sab
hath dasta hua hai nargis ka
bahr kam-zarf hai basan-e-habab
kasa-lais ab hua hai tu jis ka
faiz ai abr chashm-e-tar se uTha
aaj daman wasia hai is ka
tab kis ko jo haal-e-'mir' sune
haal hi aur kuchh hai majlis ka
Mir Taqi Mir 
(483) Peoples Rate This