Kis Ko Bahlate Ho Shishe Ka Gulu TuT Gaya
kis ko bahlate ho shishe ka gulu TuT gaya
KHum mere munh se laga de jo subu TuT gaya
kijo us zulf ko mashshat samajh kar shana
lakh dil TuTe agar ek wo mu TuT gaya
kuchh KHabar hai tujhe kahte hain tere zaKHmi ka
aaj phir chaak ka sine ke rafu TuT gaya
falak us dil-shikani ka to maza dekhega
koi dil gar kabhi ai arbada-ju TuT gaya
thi muridon ke liye qalb ke sadme ki dalil
shaiKH ka raqs mein sam par jo wuzu TuT gaya
dhyan us shishe ka rakhna ki na hoga paiwand
dil meri jaan agar yak sar-e-mu TuT gaya
us KHud-ara ke raha hath mein nit aaina
gham se aaina-dil hae na tu TuT gaya
mohtasib ne to KHarabaat mein ki KHun-rezi
par sar-e-rind pe shab mai ka kadu TuT gaya
dekhna tar-e-mohabbat ki hai mushkil phir sanTh
rishta-e-dosti ai 'lutf' kabhu TuT gaya
Mirza Ali Lutf 
(441) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544