Dil-e-muztar Ko Samjhaya Bahut Hai
dil-e-muztar ko samjhaya bahut hai
hua tanha to ghabraya bahut hai
mubarak ho tujhe ye qasr-e-rangin
mujhe diwar ka saya bahut hai
mere dil ka ye aalam bhi ajab hai
ki jis par aa gaya aaya bahut hai
tere is phul se chehre ne ab ke
mere zaKHmon ko mahkaya bahut hai
tere wadon mein shayad kuchh kami hai
ufuq par chand gahnaya bahut hai
ye daulat le ke 'anwar' kya karunga
teri yaadon ka sarmaya bahut hai
Mirza Anwar Beg 
(767) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544