Ghubar Dil Mein Bhara Kirkiri Salam-alaik
ghubar dil mein bhara kirkiri salam-alaik
hai kis ke kaam ki ye zahiri salam-alaik
karen na sidhi nigah dusri salam-alaik
hai ab ke yaron ki ye jharjhari salam-alaik
talawwun aisa in abna-e-rozgar mein hai
ki subh miliye to hai charpari salam-alaik
mabaada baat mein bu-e-tama agar pawen
phir un ki aankhon se teri giri salam-alaik
jo sham dekho to phir in tilon mein tel nahin
churai aankhen hain bhauwen phiri salam-alaik
ba-qaul-e-shaer-e-bangala 'azfari' yun rah
ki khana ganTh ka in se niri salam-alaik
Mirza Azfari 
(602) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544