Mah-ru Na Ho Aur Chandni Wo Raat Hai Kis Kaam Ki
mah-ru na ho aur chandni wo raat hai kis kaam ki
ho wo bhi par KHalwat na ho ye baat hai kis kaam ki
do bose ya lag lo gale tab galiyan miThi lagen
gar wo nahin aur ye nahin salwat hai kis kaam ki
jab yar se howe juda ek yar-e-jaani dosto
bagh-o-bahaar o jam-o-mul barsat hai kis kaam ki
hai nasb mein aali agar rakhta na ho ilm-o-hunar
ek Dher se bhi hai batar wo zat hai kis kaam ki
Mirza Azfari 
(507) Peoples Rate This