Tu Dost Kisu Ka Bhi Sitamgar Na Hua Tha
tu dost kisu ka bhi sitamgar na hua tha
auron pe hai wo zulm ki mujh par na hua tha
chhoDa mah-e-naKHshab ki tarah dast-e-qaza ne
KHurshid hunuz us ke barabar na hua tha
taufiq ba-andaza-e-himmat hai azal se
aankhon mein hai wo qatra ki gauhar na hua tha
jab tak ki na dekha tha qad-e-yar ka aalam
main mo'taqid-e-fitna-e-mahshar na hua tha
main sada-dil aazurdagi-e-yar se KHush hun
yani sabaq-e-shauq mukarrar na hua tha
dariya-e-maasi tunuk-abi se hua KHushk
mera sar-e-daman bhi abhi tar na hua tha
jari thi 'asad' dagh-e-jigar se meri tahsil
aatish-kada jagir-e-samundar na hua tha
Mirza Ghalib 
(1635) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544