Ye Nashsha-e-agahi KHatarnak Hai Sar Mein
ye nashsha-e-agahi KHatarnak hai sar mein
TuTe hain mere panw isi rahguzar mein
rim-jhim ke aqab-zar mein baran hai abhi aag
achchha hai na dekhe wo mere dida-e-tar mein
sarmaya-e-jaan yun na uTha sare hijabaat
tu aankh ke pardon ki badaulat hai nazar mein
aansu tha wo nikla to gaya toD ke har band
KHushbu tha ki ghar chhoD ke bhi rahta hai ghar mein
us bargah-e-naz hai hum se fuqara ko
KHairaat to milti hai wale kasa-e-sar mein
rahti hain mere sath wo aagah nigahen
kuchh farq na tha warna mere aib-o-hunar mein
Mohammad Aazam 
(842) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544